【万千星辉】陈山聪夺最佳男配角即庆祝　孖成班老死打边炉劲开心

41岁陈山聪入行24年，终于守得云开，拿下最佳男配角，颁奖礼完咗之后同成班Crazy Runners一齐去打边炉开红酒庆功，包括胡定欣、李施嬅、胡蓓蔚、黄智雯、袁伟豪同女朋友张宝儿，仲有谢东闵等，成班好朋友举杯恭贺山聪得奖，开心到好似自己都有份拎咁，好鬼warm。

难怪山聪咁开心嘅，虽然佢之前先后喺新加坡、马来西亚拎到最佳男配角，但毕竟赛前其他对手诸如何远东同欧瑞伟嘅得奖呼声都好高，竞争咁激烈，山聪都无绝对嘅把握。加上山聪喺2011年同赌王千金何超云拍拖，背负抛弃糟糠骂名，拍拖期间因为他无视朋友、电视台工作，后来同超云两年情断，豪门女婿梦破碎后，山聪被指4失，失去感情、事业、形象同金钱，修复情伤后，山聪重新振作，比之前更加努力，更加珍惜每个机会，经历过呢啲高山低谷，难怪当宣布佢拎奖果时情绪咁激动，再一次恭喜山聪夺奖！