【万千星辉】唐诗咏终夺女主角　喊住多谢田蕊妮：听我呻又陪我瞓

“最佳女主角”好多人争，但都有结果喇！就系由唐诗咏得到！佢就即刻爆喊！佢就立即在台上多谢好多人，主要多谢《不懂撒娇的女人》有个好角色畀佢。

之后佢就多谢一个人，就系田蕊妮：“我一直等紧系台上多谢你，我记得㗎。”佢形容田蕊妮：“我知道一个人我好钟意佢，佢会教我做戏做人，听我呻又会陪我瞓。”听完呢度大家都以为佢同洪永城复合，但原来系多谢阿田，好多人都笑咗！

最后佢再多谢一个人：“上半身奉献畀咗爱情，下半生畀咗我。就系我妈咪，虽然佢冇喺度，但我希望佢知道，咁多年我好挂住你，你之前教过我做嘅嘢，我都好记得，我知道我唔完美，但我一直再努力，做唔同更好嘅角色。”