【降魔的】马国明未收到通知落实开拍续集：有无我都一样开心
撰文： 张嘉敏
出版：更新：
无线剧集《降魔的》编审罗佩清于Facebook发千字长文透露会有续集，身为该剧男主角的马国明亦有睇到呢篇文，他接受香港01记者访问时表示：“以我所睇佢篇文嘅理解，佢无话落实㗎㖞，佢系有少少拉票咁，好似系叫啲观众投《降魔的》一票啦，希望《降魔的》喺台庆颁奖礼有好成绩，令到公司落实开拍《降魔的2》咁样，所以应该系未落实嘅。咁就等公司安排啦，如果监制同编审都有信心开2嘅，我当然ready啦，但都真系要等公司安排，睇下台庆颁奖礼有无好消息。”
马国明坦言自己暂时未收到有关通知：“我唔知监制编审同杜生（杜之克）会唔会倾咗啲嘢我唔知啦，以我所知系未确定拍唔拍续集嘅。我哋小演员咩都唔知㗎。其实我自己睇《降魔的》个故仔系留咗好多伏线，所以如果要开续集系有机会嘅，决定权都系交返畀监制编审，我嘅信心都系嚟自佢哋。我作为演员有好嘅故事同好角色可以参与演出当然无任欢迎啦。其实有无得开拍续集我都一样开心，因为都曾经参与过呢部咁好嘅剧集，成个剧组都拍得好开心。”