【万千星辉】飞跃进步男艺员　其实无人比袁文杰更有资格攞

倒数一个星期就系台庆颁奖礼，今日就想同大家讲下最应该攞《飞跃进步男艺员》奖项，有唔少人都睇好入足围5次嘅杨明可以攞到，但今日我就唔系想讲佢！有个人虽然无入围到今届该奖项，相反男配角就有佢份，但其实佢系去年嘅表演都好大飞跃好有进步嘅演员，究竟系边个呢？就系前年由亚视转到TVB工作，今年凭《不懂撒娇的女人》游生一角，成功引起观众留意兼系娱乐圈捞足23年的袁文杰。对于入TVB两年就已经有份参加颁奖礼拣角逐，袁文杰接受《香港01》访问时就话的都系平常心，“今次对手众多，入到已经好开心。”

1990年参加TVB艺训班后就转行做model嘅袁文杰，于1995年加入亚视。系亚视期间佢都备受力捧，成为当家小生之一，又拍剧又做主持。直到2012年初，他在合约完结后正式离开亚视，结束17年的宾主关系，并转投Now。两年后，袁文杰约满后就转为自由身。其实无论系亚视还是Now又好，袁文杰都系寂寂无名，系电视见到佢都只系讲一句，“哦，佢亚视㗎嘛！”完全讲唔出佢有咩代表作。直到前年佢以45岁之龄加入TVB，当时更被传无线以过百万签做亲生仔，而参与的首部剧集《不懂撒娇的女人》饰演超级霸气CEO游生一角，演技出色成功引起网友留意。袁文杰加入短短两年时间，凭住游生一角而爆红，相比起之前嘅时间，所以你话TVB魔力几大，今次只系入围男配角奖项，真系太可惜。

另外，相信大家最记得一定系袁文杰出晒名系阿仙奴忠粉，仲曾系网台开咪讲足球同写波经，去年佢系无线仲做埋讲波佬帮足总杯做旁述，不少观众都激赞袁文杰够中立同做足功课，超班嘅表演完美大胜人称荷兰叻嘅陈百祥，如果可以入埋《飞跃进步男艺员》，应该都唔会有人会有异议！

同样系今次颁奖礼都好应该要入围嘅沧海遗珠，就一定有《溏心风暴3》中的Nic少唐文龙份。剧中同陈敏之的不伦恋，到最后被夏雨发觉他与女儿的关系，最后夏雨嬲到要成杯奶茶泼落去唐文龙，大骂一句：“X街！”睇到班观众大快人心。不过佢就无袁文杰咁幸运，因为唐文龙今次系颁奖礼乜奖项提名都无。

入行24年嘅唐文龙，在2005年与TVB约满后曾到亚视拍剧一段时间，之后他将事业重心转移到内地，一拍就拍11年。他去年受访时曾透露当初北漂的日子，因为收入不稳穷到九个月只吃面包同麦皮，一度想放弃，最后到2013年拍摄内地剧《女人帮》才有起色。直到去年他以自由身身份回归TVB拍摄《溏心风暴3》，再次引起观众的关注。所以今次无入围到《飞跃男艺员》奖项，TVB真系要检讨下！