EXO张艺兴订外卖叫自己“张富贵”？　Lay剥虾畀《偶像练习生》食

撰文： 沈洛嘉
出版：更新：
《偶像练习生》未出道就有机会踏上《快乐大本营》舞台真系好难得嘅机会啊！（网上图片）
+5

《偶像练习生》抄足韩国选秀节目《Produce 101》Season 2系人都知，无论制作构思、场地，甚至连Wanna One成员赖冠霖参选时嘅私服打扮都照抄不误！不过呢一切都无阻《偶像练习生》嘅进行同宣传，近日EXO成员Lay张艺兴仲带埋《偶像练习生》入面嘅练习生，包括：乐华娱乐练习生范冰冰细佬范丞丞、丁泽仁、李权哲以及曾出演《Produce 101》Season 2嘅Justin黄明昊和朱正延，一起参与中国综艺节目《快乐大本营》录制。

Lay@EXO本身喺《偶像练习生》预告片入面非常严厉！但私底下其实好照顾呢班小弟弟。（网上图片）

不过今次Lay@EXO就放低喺《偶像练习生》预告片中严师嘅一面，化身做暖男照顾一众弟弟！EXO张艺兴仲特登用“张富贵”嘅名嗌外卖，喺《快乐大本营》嘅后台请一众《偶像练习生》弟弟食小龙虾，使咗差唔多成4,800人民币之余，仲亲自剥虾喂佢哋食，EXO-L（EXO粉丝）系咪好羡慕同嫉妒先？另外，据知范丞丞同其他练习生，更在后台练习Lay@EXO嘅《Sheep》，好有可能会同张艺兴喺《快乐大本营》上同台表演添！

Lay@EXO仲好亲切咁剥虾喂《偶像练习生》食。（网上图片）

《偶像练习生》喺后台练习EXO张艺兴《Sheep》

+6

其实Lay@EXO点解会叫自己做“张富贵”呢？事源EXO张艺兴喺参加某次电台节目时，要打电话畀粉丝，但又唔可以透露真实姓名，所以台本上就写住“张富贵”呢个名字，估唔到今时今日Lay又再用返呢个名啊！

EXO张艺兴真系个暖男嚟㗎！（网上图片）

偶像练习生场地厂景抄足Produce 101　Lay张艺兴@EXO：凭什么上台

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

《偶像练习生》抄《Produce 101》　私人服式学Wanna One赖冠霖　宋仲基参加《偶像练习生》？　余明君更有Wanna One加持后台劲！《偶像练习生》系中国版《Produce 101》?　王嘉尔Lay程潇Pinky撑