郑有美同孔刘传绯闻　《嫉妒的化身》孔晓振ig嬲猪：点解唔系我？

今日惊传韩国电影《尸杀列车》谱出恋歌，主演孔刘同郑有美爆出结婚遥言，虽然两人所属的经理人公司Management SOOP极速否认。不过孔刘同郑有美点解会传出结婚说，韩媒就揾返以前孔刘接受访问曾经提过：“我好喜欢郑有美呢个演员，唔关曾经合作过事，只系因为佢嘅个性、独特性好令我羡慕，应该系因为呢个原因所以钟意佢！”除此之外，孔刘仲讲过：“希望郑有美唔好出演电视剧，成为只属于我自己嘅明星，内心深处希望只系得我知道佢嘅好，唔系嘅话就有种被人抢走嘅感觉。”孔刘讲到咁出面咁直白，真系好难唔令人谂错你对郑有美系认真㖞！

之后，孔刘同郑有美经理人公司的Instagram户口soop_boss，就更新了一张文字图片写上“听讲昨日预约咗新罗酒店，系酒店方面流出嘅情报，同郑有美啊”，并留言“呢位朋友我哋见一面啦”。但就估唔到竟然引来同孔刘有“孔兄妹”之称嘅孔晓振（又译：孔孝真）在下面留言表示不满！孔晓振留言“啧…真系疯话….点解同我就一定唔会传（绯闻）？呢个令我仲嬲啊，就因为我哋成日都系孔兄妹？！！”一众韩国粉丝们都指孔晓振呢个行为真系好可爱，仲问系唔系“嫉妒的化身孔晓振”添？

《尸杀列车》孔刘同郑有美结婚？　婚礼场地同宋仲基宋慧乔一样！

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/