黄建东恶搞谭凯琪网剧　难得与虾头合作齐齐度gag

TVB为试新嘢，月初时拉大队到北海道用实景拍网剧《圣诞天降奇缘》，两位主角谭凯琪同黄嘉乐都话诚意十足，四集网剧话咁快播完，负责制作嘅SeeSeeTVB趁圣诞大放彩蛋，不过，主角就变成了黄建东同虾头（杨诗敏），并名为《圣诞天降奇缘现实版》。话明系现实版，对白唔纯爱之余更充满排泄物。

故事同《圣诞天降奇缘》一样，都系以“重遇”为主题，不过，虾头对于黄建东呢位中学同学嘅印象就十分麻麻，而二人重遇嘅契机，系因为虾头食完嘢发现自己无带银包，做伙计嘅黄建东即时出钱相救继而冰释前嫌，最后更结为一对。“早前黄嘉乐同谭凯琪拍了一条圣诞宣传片，特地到日本雪景拍摄，非常优美。现实中冇可能个个都咁浪漫，所以佢哋揾咗我同虾头拍咗条现实版，想带出个讯息就是无论白雪公主定黄面婆，白马王子定大肚腩，陪在你身边的就是你最珍惜的人。”

阿东最开心今次可以同虾头合作：“其实以前做舞台剧已经认识佢，但冇真正试过有对手戏合作。今次可以饰演夫妻，非常好玩。临场仲度咗好多gag，包括排队洗碗便排卵，仲有亲密镜头，但令到现场工作人员笑到碌地。”阿东今次首似扮圣诞老人，对于减肥尚未成功的他十分有优势。