圣诞节袁咏仪ig晒礼物未见最爱Hermes 唔通向张智霖暗示？
撰文： 张嘉敏
出版：更新：
又到圣诞，又到圣诞！圣诞节就当然要收圣诞礼物先有节日气氛啦！如果收到一些“唔等使”的圣诞礼物就无咁开心啰！但如果好似袁咏仪（靓靓）咁收到各大品牌的圣诞礼物，不单止好开心，仲要开心share影相post上网添呀！可以多谢送礼物的好朋友之余，又可以大晒自己人缘几咁好。收圣诞礼物收到好似靓靓咁系威嘅！
由于靓靓袁咏仪收到的圣诞礼物太多，要多谢的人都太多，所以她要把圣诞礼物分类出post，更post足三日来多谢大家。第一日袁咏仪就多谢各个美容品牌，第二日就轮到一大堆美食hamper，包括糖果朱古力和美酒，还有冬菇海味，真系全家大细都啱食。第三日就到了多谢服饰品牌喇，衣服配饰样样齐备，成日换款都得啦！不过咁多圣诞礼物入面，却未见袁咏仪最钟爱的名牌Hermes手袋，睇来老公张智霖要识做喇！