【兄弟】刘颖旋为演拳手减肥：日日无盐无糖好辛苦

去年嘅港姐3甲包括冯盈盈、刘颖璇同张宝儿都可以话系继陈凯琳个届之后曝光率最多嘅港姐。当中刘颖璇（Tiffany）可以话系最多工作，除了主持仲有拍剧，昨晚就为剧集《兄弟》拍摄一场打拳戏份。系人都知Tiffany“仙”气十足，估唔到佢第一套剧竟然系做打女。今次系剧中饰演拳手嘅Tiffany接受《香港01》时被问到，有无为此增肥下自己咁先可以练到老鼠仔出嚟，佢就笑言，“而家个个见到我都话瘦好多靓好多，劲开心就真，所以唔使增肥喇！”

估唔到Tiffany为了演好今次拳手角色，日日都咁进行地狱式减肥训练，“唔系只系做运动就可以瘦，连食嘢都好重要。我呢几个星期日日只系食蛋、鸡胸肉同菜，全部都无盐无糖，完全系好辛苦！”但佢就话而家咁辛苦都系值得嘅，“因为之后睇番，见到自己有咁嘅效果，证明自己尽咗力，我都好满意今次自己嘅表现。”

提到下星期就快到圣诞节，Tiffany会点过呢？她笑言暂时知道25号正日未有通告，“其实套剧仍然继续拍紧，大家都好chur，我都有心理准备个日要返剧组拍摄，同埋我地成班台前幕后都好friend，之前又一齐去伦敦，所以都开心嘅。”Tiffany之后透露下个月底，就会出发到菲律宾继续展开拍摄工作！