【后生仔倾吓偈】冯盈盈私伙上阵　同麦明诗校服look好吸睛　

好多人都会对校服有情意结，觉得著校服有一种莫名的吸引力，昨晚播出的《后生仔倾吓偈》就特别吸睛，因为麦明诗（Louisa）、冯盈盈（Crystal）以及陆浩三位主持人与一班大学生KOL齐齐著上校服出镜，好似重返中学校园时，好有青葱岁月feel呀！他们分享了在中学时的开心片段，例如上家政堂的“虾碌”事，上堂做过的捣蛋嘢，用过的古蛊招数、解剖经历等等，真系回忆返晒嚟。Louisa同Crystal仲即场跳啦啦队舞步，好pure好青春呀！

香港01记者电话访问了Crystal，原来她在节目中所穿著的蓝白色校服，真的是她读中学时著返学的那套校服。Crystal说：“系我私伙嚟㗎，我好钟意呢套校服，觉得嘅时候就著好有意义，有好多回忆，所以毕业后一直keep住。我之后开party都有著过㗎，大学一年级𠮶时，啲同学见到都觉得好搞笑，以为我玩cosplay，其实真系我套校服嚟。Louisa著𠮶套就系道具嚟，有啲人话我哋两套校服好似，咪即系话我套校服似道具？”

讲到读中学时做过甚么Crazy行为，Crystal说：“除咗节目入面讲𠮶啲，我仲曾经同一班同学组队参加舞蹈比赛，跳少女时代嘅歌，人哋其他队就跳中国舞、社交舞同现代舞𠮶啲，得我哋跳k pop舞，结果都入唔到围。虽然跳舞无得入围，但我哋之后有再接再厉组队参加音乐比赛，唱F4嘅《流星雨》，其他人就唱musical、classical呢类好正经嘅歌，得我哋咁另类，最后都系入唔到围。不过我哋无所谓，志在参与开心下，老师都知我哋钟意搞笑同玩，但系读书时系好认真嘅。我仲试过上堂时将喺家政堂用剩嘅生鸡蛋跌咗落隔篱个同学身上，搞到佢件衫沾晒蛋。”

Crystal回想读中学时确是一段好开心的日子：“我读女校识咗好多好朋友，已经成为咗闺蜜。以前爹地妈咪都有担心我读女校可以会太单调，但其实唔会。我觉得读女校简单啲，大家都系女仔可以好单纯咁相处，唔会花时间去谂恋爱拍拖嘅嘢，可以专心读书啲。如果我第时生女都会畀佢读女校。”