【专业演员】影帝拍戏求真吞安全套 被五花大绑过肩摔
撰文: 洪晓璇
出版:更新:
根据周星驰都推荐嘅一本书,史坦尼斯夫斯基所写嘅《演员的自我修养》中提到,演技系应该由外到内再由内去返外。全程投入角色,尽量唔用替身已经系基本嘢,要克服心理障碍做啲超乎常人嘅举动先至困难。影帝级人马邓超为咗新戏而受尽苦头,宣传时被五花大绑,被女公安过肩摔,拍摄时更吞咗个真嘅安全套,而工作人员只系关心:“好不好吃?”令佢笑言好受伤呀。
邓超于新戏《心理罪之城市之光》中饰演天才神探方木,要追捕阮经天饰演嘅变态杀人犯,其中一幕佢为咗保护证物,将安全套放入口直接吞落肚。本来剧组准备咗一啲用糖酱制成嘅道具安全套,点知邓超去到现场一见到,就话唔够逼真,主动提出食真嘅安全套。一roll机邓超毫不犹豫就丢入口中,而且为咗拍摄不同角度画面,连续食咗好几个安全套都毫无怨言。不过拍完之后邓超不禁投诉话:“大家都问我好不好吃,都不是关心我难不难受。但我觉得这事方木真能做得出来,所以就演了。”
除咗拍摄时为求逼真坚吞安全套,出席各个宣传活动邓超都非常卖力,除咗喺首映时被阮经天等人五花大绑之外,邓超同导演去到沈阳市中国刑事警察学院举行试映会时,同一位受过特警训练嘅学生对打,被呢位女警过肩摔,真系睇到都觉得痛,难怪邓超事后即刻到微博留言话:“本人宣布,今天起不参加《心理罪之城市之光》的任何宣传活动。”
+2