【女友视角】关智斌晒肌温柔Man爆兼备：唔使惊有我喺度﹗

仲有11日就系普天同庆嘅圣诞节，大家谂点样同另一半庆祝未呀？买咗圣诞礼物未先？呢啲大时大节有人陪就话开心啫，作为单身人士，真系连房门都唔想出，喺街见到个个成双成对就眼都冤埋，食饭又话得番二人餐，依家系咪歧视单身狗啫﹗虽然今年好多男神封盘结婚做人夫，但唔使担心，仲有BFable嘅关智斌！呢日佢上载一条短片话：“提早送份圣诞礼物俾大家～（睇完有冇即刻揾返初恋嘅感觉）”

呢条女友视角短片，简直道尽所有女士心声，单身嘅渴望有个好似Kenny咁，有样有身材又细心嘅男友，玩起游戏时会好Man咁同你讲：有我喺度唔使惊！已经有另一半？紧系想佢学吓点样悉心安排行程啦，有几多男友明知圣诞多人食饭都唔book位，想睇戏又唔订定飞要大家喺度大排长龙先得架！Kenny上载呢条片短短一日，Facebook已经有无数朋友share，不过唔知点解，好似男性朋友比女士们更有兴趣噃，唔通想跟Kenny学吓嘢？