【开心速递】欣欣冇得继续爱回家　邵珮诗：进入最后倒数

邵珮诗早前在TVB50周年节目巡礼，一身低胸晚装抢尽锋头，网友当然有留意，除了性感，其实邵珮诗在《开心速递》饰演欣欣，剧中斯文乖女形象早已入屋，不少网友都期待欣欣有独立故事，虽然欣欣终于等到，可惜系最后登场，因为欣欣即将会离开《开心速递》，她早前在ig亦有透露。她写上：“做好每一场戏的准备，不能让自己有遗憾＃进入最后倒数＃可是我病了＃欣欣的日子＃开心速递。”

欣欣离组消息一出，不少网友都失望，《香港01》亦找欣欣问清楚，她亦承认将会退出剧组，她说：“系呀，231到232系最后两集，但好开心，因为我终于做主角，嚟紧星期四都系我做主.....但真系好唔舍得、呢两年都系喺11厂拍《爱.回家》，同一班幕后好深感情，咁一班同事都有问我，点解会咁嘅？大家都有关心我，但因为上星期甩咗几场，所以今个星期五先系我last day，因为系欣欣最后几场戏，自己真系当最后见到佢哋，所以我每场戏都眼湿湿，有啲网友以为我上次著得太性感，所以被踢出《爱.回家》哈哈，梗系唔系啦，公司系有其他剧集安排俾我，我要出去闯下架喇。呢两年学咗好多嘢，同好多前辈合作、角色上尝试又多呀，甚至变声呀都试过，咁都系时候出去。始终做儍大姐唔可以做成世，大家记住睇埋我最后三集。 ”欣欣在《开心速递》最终章，是第231、232集，现在播到第209集，即系欣欣会在2月后消失，大家真系要望多两眼。早前就有风少（陈浚霆饰）因为和无线完约，所以失惊无神被消失，欣欣突然出组，应该系无线有新任务俾佢啫，大家唔驶担心。