Kris吴亦凡上电台冇freestyle　Gabby Diaz:仲有冇同EXO成员联络?

2014年韩国男团EXO前成员吴亦凡（Kris）喺人气正红嘅时候，决定向法院提出跟所属经理人公司SM Entertainment的合约无效，而吴亦凡自退出EXO后，便将事业重心转回中国，早前出演《中国有嘻哈》更因一句“你有freestyle吗？”引起热潮，被大众疯狂抽水！之不过，一直以来吴亦凡都未有对退出EXO一事多加谈论，但几日前吴亦凡参加Gabby Diaz主持嘅美国电台节目时，就被问到“点解会退出EXO？”同“仲有冇同EXO成员联络”？

虽然吴亦凡都面有难色表现尴尬，但佢都选择喺干笑两声后正面回应Gabby Diaz嘅问题，Kris表示：“首先我唔系韩国人而系中国人，韩国对我嚟讲唔似屋企，只系工作地点，因此觉得压力好大。”而吴亦凡最主要退出EXO嘅原因，其实系Kris真系好想去唱同表演佢自己想做嘅音乐，但喺韩国时就只能够听从SM娱乐嘅安排、计划去做，面对诸多制肘嘅情况下，吴亦凡只好选择离开。

吴亦凡之后都有补充：“毎个人都冇自由，当时对我嚟讲压力真系好大！”之后Gabby Diaz问到吴亦凡仲有冇同EXO成员联络时？吴亦凡就尴尬干笑两声再回答：“已经无联络了！”可能呢个真相对于EXO-L（EXO粉丝）嚟讲，真实得非常残忍！不过吴亦凡同鹿晗、TAO黄子韬等人同样喺离开EXO后，经常活跃喺国内，或多或少都应该有机会碰面，唔知吴亦凡又有冇撞到过仍留在EXO的中国成员Lay张艺兴呢？

【澳门电影展】 D.O都敬秀@EXO明年有新作：会好享受同感到幸福

吴亦凡电台访问片段

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/