10年糟糠正式被弃 九把刀同新欢周亭羽拉埋天窗
撰文： 李妍桦
出版：更新：
凭青春电影《那些年，我们一起追的女孩》一炮而红的九把刀，身价翻个几倍，名利双收之后再获注资接拍多部电影，人红之后就自然是非多，男人有钱亦开始身痕，常言道：“十个男人九个滚”，九把刀有名你叫，“九”嘛，佢咪第9个啰。本身《那些年》入面沈佳宜同柯景腾系个童话故事，两个人都为默默耕耘，就算Long D都日日打电话Keep，总之就系可歌可泣，九把刀自己声称系真人真事，佢自己都有个“沈佳宜”追咗佢8年，呢个被大家歌颂嘅故事喺被佢自己亲手搅和。
2014年本身系佢嘅全盛时期，但同年佢就被狗仔队影到佢带住中视前记者周亭羽上时钟酒店，但𠮶阵时佢系有个拍咗施10年嘅女友叫小内，即系陪佢挨穷挨咗好耐，九把刀自己都话女友系真爱谂过结婚。但可惜，世界上系冇猫唔食鱼，有得食唔通唔食咩，偷食被人捉到断正，当时九把刀仲开埋记者会认偷食，仲话已经断缆，仲求女友原谅。点知，世界最难敌得过嘅就系小三，一年都未够，九把刀就正式弃糟糠，同小三周亭羽一齐，仲一齐住入本身同旧爱筑嘅爱巢。本身谂住九把刀都系玩吓就算，点知前几日有网民爆料话见到九把刀同周亭羽办理手续登记结婚，讲到似层层，今日经纪公司证实如果真系结咗婚。
原来糟糠只可以共患难，唔可以共富贵，谂起都Sad，有咩理由迟嚟先上岸，被小三上位坐正做老婆？公平咩？明明同个男人挨咗咁多年，等到终于挨出头，就被第二个女人抢咗个功劳，算啦，因果循环，相信就算周亭羽做咗“九太太”之后，日后都系会担惊受怕，迟早都会有第2个周亭羽出现，男人，始终都系信唔过……