大肚全智贤同老公崔俊赫秘密来港　去完中环再去食澳牛好贴地

撰文： 沈洛嘉
出版：更新：
上星期宋仲基作为《2017 Mnet Asia Music Awards in Hong Kong》MC嚟香港。（资料图片）

上𠮶星期香港多韩星嚟就一定啦！《2017 Mnet Asia Music Awards in Hong Kong》（MAMA）连续 6年喺香港举办，香港机场忙到爆炸！原来除咗有宋仲基、李英爱呢啲重量级人物嚟港时，大家都睇漏眼，其实大咗肚都系女神嘅全智贤都同老公崔俊赫秘密嚟咗香港啊！

李英爱就作为颁发嘉宾出席《2017 Mnet Asia Music Awards in Hong Kong》。（资料图片）
+14

有粉丝上星期五就喺微博Post咗一张一男一女嘅照片，女方就著到全身黑色，戴住帽著上白色波鞋，男方就著住深蓝色短袖T-Shirt、黑色长裤同埋白色波鞋。原来呢一男一女正正就系全智贤同崔俊赫，粉丝仲写低“全智贤！！！手抖....素颜还是美死啦”，又加上中环置地广场嘅打卡Tag，不过佢喺回应其他粉丝留言时就提到“（全智贤个）肚系很明显，除咗肚其他地方都仲系好瘦”。另外仲有粉丝喺同一个Post留言“系真嘅全智贤，因为我𠮶日喺澳大利亚牛奶公司都撞到佢哋，佢哋仲排系我后面！佢哋一直系撩我𠮶小朋友，我拎转头先发现系他们，全智贤仲问我小朋友几岁，好激动！”有机会真系好想见下女神啊！

同一日原来全智贤同佢老公崔俊赫都嚟咗香港！（网上图片）

【MAMA 2017香港】Wanna One惊喜扮B-Boy　宋仲基李英爱压轴现身

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/

【韩妆】宋慧乔全智贤化妆师SON&PARK教路　化靓妆最紧要“少”宋仲基宋慧乔婚礼场所曝光！　与全智贤、权相佑同拣新罗酒店35岁全智贤怀孕10周再做妈妈　“希望大家多多祝福”