好友麦明诗自揭曾遭性侵犯　朱千雪：我知佢系叻女嚟

相信有好多网友今年无论开电视、还是上网睇片，每到广告时间都会见到朱千雪的踪影，今午出席TVB广告颁奖礼时，获得《广告新人王》奖项，都系实至名归！提到她代言嘅产品几乎都是女性用品，朱千雪笑言，“咁啱啫，其实我都想代言比较中性嘅产品，好似旅行社同航空公司咁。”

但原来有个产品系千雪最恨代言，究竟系咩呢？她就透露，“一定系隐形眼镜，我近视好深，系佢地长期用户，当然仲有女仔钟意嘅首饰，希望快啲揾我合作啦！”相信好快有广告商揾上门喇，咁到时朱千雪真系会变“CM女王”！至于最近的工作机会，千雪笑言要埋头苦干温书，“
下星期就要准备学校考试，都系努力温书同温书，每日只系瞓得3个钟！（好紧张？）唔会紧张，又唔系第一次考试。”粉丝睇到呢到，应该已经集紧气保佑偶像顺利过关。其后问到早前曾透露希望可以与男友在圣诞节一齐返加拿大探亲，她表示，“未知道几时出发，但如果佢有嘢做，就唔好跟埋去。”

讲到好友麦明诗日前在Facebook发表千字文表示自己曾遭性侵犯，千雪闻言后则表示，“我知道佢写咗一段中文，我知佢系叻女嚟知道点处理，我就唔方便评论。”