金秀贤服役冇得做特种兵转入侦察队　韩国军队嫌oppa老？

唔经唔觉由全智贤同金秀贤同全智贤主演嘅《来自星星的你》已经系4年前嘅韩剧，至少有404岁嘅都教授喺《来自星星的你》入面正常来说应该都服过24次兵役！上个月23日，都教授嘅真身金秀贤就喺韩国京畿道坡州市第一师团新兵教育队入伍，并喺昨日结束咗为期5周嘅基础军事训练。

更多金秀贤图片：

据韩媒指出，金秀贤喺训练期间表现十分出色，更获得优秀奖以及褒奖休假资格。要知道获得褒奖休假资格真系一件好难嘅事，有睇过韩国综艺《人生酒馆》就会知道，当初Super Junior成员神童、银赫、晟敏以及东方神起成员允浩（U-Know）十分用心为军队制作宣传MV，谂住可以因为努力付出嘅表现可以获得休假，点知上级喺台上公开赞扬佢哋时，都只系送咗个纪念币俾佢哋，可见休假绝对难攞。

（观看更多）

金秀贤兵仔look有得睇！　铲青照一样好靓仔

金秀贤除咗劲到有褒奖休假之外，原来佢仲想申请以特种兵身份服役，可惜已经30岁（韩国虚龄）嘅金秀贤就因为年龄限制而只能放弃。其后，金秀贤入伍后就向军队内部人员表示，希望可以喺侦察队服役。另外，金秀贤将于2019年7月22日退伍，各位金太请耐心等多年半啊！

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/