【星光荟萃颁奖】最喜爱荧幕情侣　由过气情侣陈展鹏胡定欣夺得

《TVB马来西亚星光荟萃颁奖典礼》去到颁“最喜爱TVB荧幕情侣”，赛前呼声很高的王浩信和唐诗咏最终都系落选，由《同盟》陈展鹏胡定欣打赢埋同一套剧的陈山聪和姚子羚而夺得。他们两个得知获奖后互望一笑，然后手拖手上台拎奖，比起上一个奖的确比较自然。

上一个奖点唔自然法？话说他们两个获得“最喜爱TVB电视角色”上台前，陈展鹏想拖胡定欣只手，点知女方唔想拖，改为繑住就算，认真尴尬！上到台后更加唔知讲咩，dead air咗成几秒钟，真系唔知佢哋想点。

不过今次拎“最喜爱TVB荧幕情侣”就好好多，除了肯拖手上去，台上都起码叫有啲互动。其实系人都知佢两个之前因为绯闻、失拖、偷食等等新闻搞到面阻阻，之后陈展鹏重新拖起单文柔，佢同胡定欣关系好似就无咁紧张。不过可惜《同盟》已经一早拍咗，佢两个不停都要出宣传，而家到颁奖礼更加避无可避，所以咪搞到好尴尬啰！