绿叶罗浩铭台庆“不被邀请” 拍《风林火山》更开心：情愿开工啦
《TVB 50周年华丽转身迈步同行》（TVB50台庆）节目在星期日（11月19日）就已经完满结束。全台100位艺员在台上又唱又跳实在是好不欢乐，睇嘅观众开心，出席嘅艺员又开心。台庆盛事，当然就每个帮TVB出过一份力的艺员都想出席。不过，可以出席的艺员位置就只得100个，镜头背后其实还有很多默默耕耘而又不被邀请的一群。《心理追凶 Mind Hunter》中饰演“罗祖”的罗浩铭就是其中之一。
罗浩铭由2011年起加入TVB到现在其实都已经差不多有7年。未上映的无线新剧《特技人》中更试过因拍剧而受伤。“少事，吊威也整到，唔使入医院，拍动作片紧有㗎啦。伤完之后仲要赶去《L风暴》开工。”虽然阿Ken样貌形象未必如其他小生一样，不过绝对算得上是实力派。除TVB剧集外，他还参与过不少的电影制作。《激战》《迷城》中也有他的出现，《激战》之中他更是彭宇晏的替身。
话明台庆就梗系全台同乐，不过阿Ken对于“不被邀请”出席台庆这件事又似乎睇得好“化”。罗浩铭接受《香港01》访问时说：“我自己嚟讲冇乜感觉，唔去咪唔去台庆啰，冇乜所谓。我又唔系极度十分之好想去。咁你有需要我嘅专长咪帮你表演啰，其实我都有帮佢表演咗2年。因为我又唔多靓衫，同埋第二我真系要开工嘅，咁你俾我拣我情愿开工唔去台庆啦。”
这边厢台庆“不被邀请”，那边厢阿Ken就帮Juno新戏中其中一个角色（睇张相就知唔系2打6）。“我又唔系好期待十分之极度想去，因为我又唔多靓衫，同埋第二我真系要开工嘅，咁你俾我拣我情愿开工唔去台庆啦。不过我系唔系亲生仔同我有冇得去呢，我谂就冇关系嘅。佢哋真系冇需要你去，咪冇去啰。阿Ken我唔care㗎。你唔叫我，我都唔系好想著件靓衫上去跳舞，我真系唔想。Juno𠮶套《风林火山》我个角色系咩呢，我就唔可以太detail同你讲。但系我可以讲呢套戏入面每个演员，角色大与小都好特别。因为成个世界观都扭曲哂，个个都好特别，都几破格。佢又好认真啦，又好大制作，导演又好好，好肯同你沟通。”
访问中罗浩铭都有解释道：“话不被邀请其实系我讲笑唧。佢今年冇叫我去，系佢唔使我表演吖嘛。咁我又唔系唱歌跳舞嘅材料，上年我有帮佢打功夫，咁今年佢唔使人打功夫咪唔叫我去啰。始终我呢类型演员唔系太适合唱歌跳舞，佢今年系50个靓仔靓女唱歌跳舞。咁佢觉得今年罗浩铭唔适合，话唔定出年51周年主题系打功夫嘅，佢会叫返我去呢。”
“我望住佢哋个个著靓衫跳舞，问自己系咪想好似佢哋：我唔系，我系嚟拍电影拍电视剧，我系做演员做好我本份，我拍啲嘢观众钟意睇咪得啰，唔使去你𠮶啲生日会㗎。”嗱，呢啲咪叫型啰。