【TVB台庆50周年】薛家燕金碧辉煌再“登基”　守禁色令密实上阵

来到无线50周年盛事《万千星辉贺台庆》，全台艺员自然要倾巢而出同公司贺寿啦。而在节目开始前，就齐齐行个红地毯热下身先。虽然TVB日前已经颁布了“禁色令”，不过仍有不少女艺人无视禁令，继续性感上阵。当然亦有部分好乖好听话的女艺人愿意收起性感，打扮密实见人，家燕姐薛家燕就是其中一位喇。不过其实家燕姐都不是走开性感路线，禁不禁色对她似乎影响不大，最紧要不是禁“登基”就得啦，著到好似登基咁隆重先系家燕姐Style嘛！

家燕姐今晚就穿了一件好华丽的晚装再度“登基”喇，家燕姐说：“今日著得金碧辉煌啲啦，因为今日喺TVB嘅50周年台庆啦。公司话唔好著咁暴露啦，咁我呢件衫好雍容华贵，但又唔会暴露，好似皇后登基咁啦，所以保持返𠮶个状态。咁点解唔著黄色呢？因为我系属于绿组嘅，佢哋话要有啲绿色嘅，所以我就配戴埋啲翡翠嚟啦。应该都好贵㗎，五百零万啦，不过唔系我嘅，系借人哋嘅。”

原来家燕姐都为了响应公司的“禁色令”而刻意不打扮性感：“本来呢我就准备咗一件欧洲嘅衫，大家都知啦今年欧洲嘅衫系比较性感啲嘅，咁不如换过第二套啦，所以我系寻日即刻换过呢一套嘅。好彩我平时都准备咗啲登基嘅衫啫。”家燕姐好funny呀！

她为了包实自己，仲搞到好赶急：“好赶呀，寻晚赶到半夜先赶起呢件衫出嚟呀。唔好咁急通知啰，等我哋可以有所准备吖嘛，咁都无乜问题嘅，不过我著嘅晚装其实都唔系咁性感嘅，因为我比较肥同埋丰满啲，啲人先会觉得我性感啫，都OK嘅。呢件衫都系订造㗎，立即漏夜赶工㗎。我谂公司呢个指引一定系有意义喺入面嘅，都好嘅，可能惊著得太过暴露会唔好睇啦，我哋尊重公司嘅意见，所以我都特别赶制咗呢件衫，其实无咩问题嘅。”