秀智送“倒穿橡胶鞋”俾李敏镐　《当你沉睡时》同李钟硕太sweet?

今日Kpop界大新闻一定系missA秀智同李敏镐分手，一对韩星情侣童话被幻灭！早年韩国男团MBLAQ前成员李准喺综艺节目《Radio Star》上面一句“韩国娱乐圈就好似动物王国一样咁乱！”Ａ韩星明明同紧Ｂ君一齐，又突然同Ｃ一齐，然后B又会同Ｄ拍拖等，所以李准话要揾女朋友嘅话就一定唔会揾Kpop圈内人。虽然早前宋宋CP就好成功，宋仲基、宋慧乔拍拖1年几就已经火速结埋婚，不过宋仲基就少有恋情同绯闻传出，但众所周知，宋慧乔曾经同过李炳宪，以及玄彬拍拖。宜家李炳宪就同咗李敏贞结婚，玄彬就同左姜素拉拍拖。至于之后又会发生咩事就未知，不过已经见到韩国明星感情关系真系几复杂！

不知道missA秀智同李敏镐分手后会点？但其实韩星情侣分开后做回朋友，又有几多个可以做到？正如昨日少女时代润娥同李升基同场出席《2017 Asia Artist Awards》（2017 AAA）都一样零交流啦！事实上，韩星分手就好似有周期一样，今年8月1日FT Island成员崔钟训同体操妖精孙延在、仲有前After School成员U-IE同康男，就同日宣布分手，而BoA同周元3日前则宣告一年情玩完！

今日李敏镐同missA秀智3年情告终，虽然秀智所属的JYP Entertainment就讲到因为涉及私生活，两人分手时期同理由都唔方便透露。但外界都猜测系因为李敏镐少咗时间陪秀智？定真系好似金九拉喺《Radio Star》咁讲“秀智真系等唔到呢？”秀智曾经喺节目上透露过“我好珍惜佢（李敏镐）”，又讲过自己手机入面有好多佢哋拍拖同好sweet嘅相、两人拍拖两周年仲开party邀请朋友一齐庆祝！之前有时间仲会同埋金宇彬、新慜娥（又译：申敏儿）4个人去Double Dating，不过此情此景都可一不可再，其实都真系几可惜！

李敏镐秀智分手　应验金九拉《Radio Star》预言“秀智等不了！”

李敏镐虽然贵为顶级韩星，但其实同普通韩国男人一样，唔系怕当兵，而系怕服役期间女朋友等唔到就同自己讲“不如我哋算啦”或者“我哋分手啦”！韩国人将男朋友系军人嘅女仔叫做“橡胶鞋”，因为唔能够成日同服役中嘅男朋友见面同联络，更有句说话指女仔如果变心嘅话，就会叫呢个女仔做“倒着穿橡胶鞋”（指对方嘅心已经变咗嘅意思）。其实李敏镐虽然服紧役，但佢系以社会服务要员身份当兵，基本上工作时间系朝9晚5，又唔使喺军营寄宿，理论上佢应该有机会同秀智保持紧密联系。所以今次李敏镐同秀智为乜分手，真系引起Kpop界热烈讨论。

【2017 AAA】少女时代润娥、李升基　分手后首次同场零交流

由于众说纷纭，不少韩国网民更大胆推测：“唔通秀智因为拍《当你沉睡时》挞着咗李钟硕？”送对“倒着穿橡胶鞋”俾李敏镐？无可否认，秀智同李钟硕因拍《当你沉睡时》行得好埋，两人亦完全唔避嫌，照样上传合照或者剧照去Instagrma。特别是秀智，可说是10张相中就有1张会见到李钟硕，究竟秀智只系纯粹想照顾《当你沉睡时》剧迷，定系真心upload呢啲相，又抑或佢觉得清者自清不妨大方一点呢？

李敏镐同秀智一齐之后，秀智呢个韩国“国民初恋”就唔再系初恋！宜家两人分手，不过都希望长腿oppa李敏镐同秀智下一段感情会有好结果。而喺屏幕前嘅粉丝们，人生又再有希望喇！俾啲心机，下一个李敏镐太太可能会系你啊！

更多李敏镐、秀智、李钟硕图片：

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/