胡杏儿囝囝满月晒新相 老公茅台宴客有寓意
撰文： 洪晓璇
出版：更新：
屋企有新生命降临系喜庆嘅事，传统上都会摆满月酒同亲友分享喜悦，近年香港就流行摆百日宴，因为小朋友打多两枝预防针，抵抗力高啲无咁容易病，亦唔会不停瞓觉，可以同亲友影吓相留念。胡杏儿10月宣布囝囝Brendan出世，呢日佢上载一张囝囝着西装打煲呔嘅相，宣布囝囝满月啦﹗
10月13号杏儿丈夫李乘德上载抱住囝囝嘅相，宣布8磅重嘅囝囝Brendan已经出咗世，当时杏儿经理人表示两母子已经返屋企休息。11月10号凌晨杏儿上载一张囝囝嘅独照，写上：“满月当然要穿套西装庆祝一下!”照片中Brendan着住短袖连身夹衣，白色底色加上灰色吊带西裤造型，杏儿仲帮佢带上红白蓝斜间煲呔，非常醒神。虽然用apps加上学士帽同太阳眼镜，未能清楚见到Brendan嘅样貌，不过佢对手仔一节节好似莲藕一样，面猪涨卜卜加埋嘟嘴，真系非常可爱﹗
胡杏儿囝囝样貌曝光 老公李乘德好感恩：向全世界妈咪致敬胡杏儿升级新手妈妈制初乳 “无论几辛苦也希望俾到BB饮”37岁胡杏儿顺产诞下仔仔 英文名Brendan爱尔兰代表王子【最勤力孕妇】胡杏儿即将卸货 大肚靓相图辑任睇
+5