《花样青春》节目组为绑WINNER去澳大利亚呃YG梁铉锡　着囚衣坐飞机？

上个月韩国男团WINNER就已经比罗䁐锡PD“绑”咗出国，拍摄《新西游记4》外传《花样青春》WINNER篇。不过因为WINNER会出演《花样青春》呢个消息一早已经通晒天，令到节目组好苦恼要点样先可以呃到WINNER四子JINU、HOONY、宋旻浩同姜升润，成功“绑”佢哋出国！

原本《花样青春》节目组就谂，用拍摄私家车广告嚟呃WINNER，最后等佢哋一上车就直接送晒去机场，而呢个计划就连YG Entertainment社长梁铉锡（又译：杨贤硕）都唔知㗎！《花样青春》节目组更夹埋YG Entertainment一众经理人、广告组、服装组、发型组、化妆组，并请嚟真正嘅广告导演，租咗一个大型摄影场，先同WINNER拍室内镜头，真嘅一样！而因为现场只得一架车，导演又再呃WINNER，话后期会有好多CG效果，叫佢哋自行发挥想像！

WINNER四周年却挨轰　宋旻浩助阵填词Epik High新歌被指歧视女性

今集《花样青春》WINNER篇收视高达4.3%，相信高潮位一定系罗䁐锡PD现身一幕。“绑架”WINNER故事剧情先设定喺室外镜头𠮶阵，原本正在拍摄嘅广告导演冇上到车，就提议叫车上某人拍摄，而呢个人就系罗䁐锡PD喇！佢一现身就同WINNER讲：“好啦！咁宜家开始就由我嚟拍摄！”又惊又喜嘅WINNER当然不停问咩事咩事？点解咁㗎？虽然佢哋一早都已经准备随时都有可能被人“绑”走，但就冇谂过罗䁐锡PD亲自出马。不过无计啦！罗䁐锡PD大人联合埋咁多人策划呢个行动，又点会输呢？而下集《花样青春》就会继续讲WINNER系西澳大利亚柏斯嘅生活点滴，INNER CIRCLE（WINNER粉丝）唔会错过啦！

更多WINNER图片

《花样青春》WINNER被“绑”片段

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/