【后生仔倾吓偈】冯盈盈钟意做Deadline Fighter：功课拖2年先交

“我份功课中咗毒，今日交唔到！”呢啲咪交唔切功课成日会同老师讲嘅说话？喺呢𠮶年代相信有好多学生做“deadline fighter”，又可能有些人未必知道系咩意思？顾名思义就系指临deadline先开始做嘢嘅人！今晚播出的《后生仔倾吓偈》就讨论呢𠮶题目，主持之一的冯盈盈就自爆试过欠交工作纸，拖足两年先补返，真系好夸张！佢喺节目中就为自己辩护，“要去到最后一刻先会爆发小宇宙！”又真系嘅，唔单止功课，有好多嘢都系临最后一刻先会做。

究竟系咩功课令到冯盈盈要拖足2年呢？她就透露：“𠮶阵系阿sir求我交，因为佢话要keep record，但最后都系交一张。另一张完全无交，佢又无咗件事，对我哋太好太nice，斗慢工出细货。”虽然唔系个个人都系deadline先做嘢，谂住“十优”麦明诗应该好自律先系，点知连佢都话自己系deadline fighter，“都会发生喺我身上，重要的一定不会拖延，我觉得香港嘅考试有些不太重要，纯粹浪费时间嘅好似唔计分嘅默书，好似有啲测验太早温好快唔记得，去到前一晚温先最有成效。”此话一出，在旁的6号即刻话，“但佢拎A讲紧之前已经要温4、5遍，所以无需要前几日先温。”麦明诗立即被KO！

唔记得交功课都事小，争卡数先严重！既要罚息，又会影响日后个人贷款，点知冯盈盈就自爆日前试过唔记得交卡数被罚款好唔开心，“个手续费有700几蚊，𠮶张卡系我大学申请，宜家无咩点用但之前买咗少少嘢，呢间唔系我用开，过数好复杂。要用另一个系统XXS去还，点知唔记得个密码，停用咗！宜家要拎完钱再拎嚿钱去入数！”麦明诗就呼吁大家唔好用自动过数，因为会好唔觉意花费大咗都唔知！