【多图】鬼怪男神孔刘韩风冬日暖男Look 孖好友MyQ游日本
撰文： 沈洛嘉
出版：更新：
以《孤单又灿烂的神－鬼怪》风靡亚洲嘅“大叔”孔刘，早前佢喺日本旅行嘅照片终于曝光！孔刘所属经理人公司Management SOOP早前就公开咗部份照片，主题为《分享孔刘的日常生活》。照片中孔刘喺日本嘅居酒屋食饭饮酒，暖男嘅形象仍然非常吸引一众女性粉丝！
Management SOOP十分明白粉丝苦苦等待孔刘嘅心，由于粉丝最近仍未能喺萤幕上见到孔刘嘅踪影，所以Management SOOP昨日（3日）又再公开咗孔刘嘅照片，公开咗孔刘喺日本嘅旅行故事。众人皆知，孔刘同挚友My Q Friend到不得了，孔刘之前去台湾举行粉丝见面会时，My Q都有跟埋一齐去添！今次日本之旅又点可以少咗佢呢！
公开嘅照片主题就系《跟朋友一起去旅行》，而孔刘同My Q都做返自己，表现出佢哋平时好Close嘅样貌去影呢辑海报，睇到孔刘嘅照片都令人感到非常舒服的电影。孔刘同My Q仲去咗日本的旧式书店，又搭电车感受晚秋的阳光，吃各种的日本美食，睇相都觉得孔刘个人放松咗好多啊！另外，孔刘影呢辑相时都换咗几套衫，男士们趁住依家仲转紧季，都可以参考下孔刘嘅穿搭配衬，好似粗间灰白色毛衣、大长褛配白色波鞋、深蓝色上衣配牛仔裤黑色波鞋等等，深色系都系入冬转季首选。
更多图片
+29
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/