【宋宋结婚】宋慧乔婚后首度更新IG 同老公宋仲基去西班牙度蜜月
撰文： 沈洛嘉
出版：更新：
宋仲基同宋慧乔喺31日已经完婚，而宋仲基翌日去完金柱赫灵堂送别后，随即会合老婆宋慧乔去仁川机场出发度蜜月。不过双方公司都已经表明今次系私人行程，唔会公开宋宋嘅目的地，而大众都只系知道宋宋会去欧洲度蜜月，所以都喺度猜测宋宋究竟会去瑞士定系奥地利，呢类景致怡人嘅地方呢？
谜底终于喺今日揭晓，有粉丝就喺西班牙马德里机场捕捉到宋宋夫妇嘅踪影，宋宋夫妇着上黑色大褛、戴住帽同口罩显得极之低调，不过都系被眼利嘅粉丝认出！
宋慧乔今日更首度喺婚后更新Instagram发表感言：“感谢大家给予我们很多的体谅、关心、爱和祝福，真心感谢各位。”宋慧乔为方便海外嘅粉丝，更专登附上英文版本，乔妹真系好爱锡大家㗎！所以大家喺西班牙见到宋仲基同宋慧乔嘅话，记得俾返啲空间佢哋喇！
更多图片
+2
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/