【宋宋CP结婚】宋仲基宋慧乔婚戒曝光　长袖缎面拖尾婚纱好清雅

本年度最受触目嘅婚礼，非宋仲基宋慧乔世纪婚礼莫属﹗10月31日佢地喺韩国迎宾馆举行婚礼。近年韩系婚纱盛行，LACE鱼尾贴身剪裁系大部分新娘嘅心水之选，唔少人都密切留意宋慧乔大婚拣选嘅THE ONE，呢日亦正式揭盅 --- 来自DIOR缎面长袖婚纱，中分简约发髻加上闪石耳环，古典味浓。配饰同花球亦配合双宋户外婚礼，简约而有气质。

宋慧乔嘅婚纱以缎面挺身设计，中长袖高腰线令整个人比例拉长，胸口设计远睇似TUBE DRESS，但实际上同DIOR秋冬高级订制系列雷同，配以约1.5米长拖尾，华丽而高贵。乔妹以一惯清淡亮丽妆容明艳照人，配饰方面只戴上闪石耳环，未有戴颈链。

婚礼上新娘除左挠住老公，对手最常掂住嘅就系花球，乔妹就拣咗一个小清新感觉嘅绿白色铃兰花花球，呢个SIZE喺香港应该系俾伴娘或花女拎住，不过放喺双宋呢个草地婚礼，又意外地非常匹配。据知系乔妹造型师好友帮忙准备，花语系“一定要幸福”，不过由于铃兰花喺韩国属特殊花材，要从外国进口，加上它又只是在5月才有的短暂花期，10月要买到靓嘅铃兰花绝对不易。而据韩媒报导指出，宋慧乔这回所拿的铃兰花捧花价格惊人，至少要100万韩圜，折合港币大约7,000元。