38岁秋瓷炫宣布做妈妈！ 从《花游记》下车无缘跟车胜元合作
撰文： 沈洛嘉
出版：更新：
除咗7日之后就系宋仲基同宋慧乔呢对宋宋CP大婚之外，近日韩国娱乐圈都有喜事！就系以中国版电视剧《妻子的诱惑》（回家的诱惑）创下极高收视的主演之一，38岁秋瓷炫宣布佢有咗BB啊！寻日就有消息指她已经有咗2个月身孕，目前亦都正为做好胎教而准备当中。
朴宝剑接拍《花游记》演孙悟空恋上唐三藏？ 车胜元介入做牛魔王
早前朴宝剑确定不会参演tvN新剧《花游记》，因为《花游记》当中有唔少动作场面以及需要吊钢丝，秋瓷炫因为怀孕只好从《花游记》中下车，好可惜两人都同唔到确定会出演“牛魔王”一角嘅车胜元有对手戏。而秋瓷炫原来喺拍摄《同床异梦2》𠮶时传出怀孕消息，为咗比细两年嘅老公于晓光惊喜，一直都无同佢讲，而于晓光系透过报导先至知道。据知于晓光知道秋瓷炫有咗之后仲激动到喊出嚟！于晓光之后都有喺微博大晒两人合照，并写下“谢谢，我爱你！”嘅字句，两人平时都已经十分甜蜜，经常喺微博上互tag又晒相，相信有埋BB之后只会更加Sweet！相信大家都好期待小于可爱嘅来临！
更多秋瓷炫、于晓光图片
+9
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/