【釜山电影节】张东健与润娥珉豪饮酒庆功 海云台户外会粉丝
韩国人气男星张东健寻晚孖住少女时代成员润娥，以司仪身份出席电影界盛事《第廿二届釜山国际电影节》开幕，寻晚大会只喺播出张东健坐车去会场嘅片段就已经引起粉丝哄动，今日张东健就继续同粉丝见面，好彩今日唔同寻日，天朗气清，非常适合大家嚟到喺海云台举行嘅釜山电影节户外分享活动。
张东健一现身，现场粉丝即刻发出欢呼声欢迎佢到场，活动喺海云台海滩前举行，今年适逢张东健出道25周年，吸引唔少粉丝围观，其中就以日本嘅粉丝占多数，张东健上台后先跟粉丝打招呼：“大家好，我是张东健。”然后再同现场粉丝分享演员心得，张东健又提到寻晚同咗润娥@少女时代同珉豪@SHINee食海鲜拉面兼饮酒，仲饮咗好多，主持人就笑说完全睇唔出张东健有宿醉。张东健仲自爆嚟紧两日都有机会出现喺布帐马车，粉丝有机会就要去釜山嘅布帐马车撞撞男神喇！
[韩国直击]少女时代润娥8变5后现身釜山电影节 SHINee珉豪起哄动
张东健又讲到有一日上电台节目就见到有好多粉丝留言，有讲起《朋友》、《哭泣的男人》（韩文：우는남자）、《V.I.P》同《绅士的品格》等等，不过张东健就自嘲《V.I.P》同《哭泣的男人》就好似无咩人睇咁，又讲到之后会俾心机再拍多啲更多唔同嘅作品。当主持人问到有无机会再同老婆高素荣（又译：高小英）合作时，张东健就笑言：“如果要同高素荣合作的话可能会好尴尬，未必演到戏，应该唔系件易事。”
张东健时隔6年再次演出电视剧，扮演传说嘅律师，而系戏中就要成日著西装，主持人就问会唔会因为咁操fit啲，不过张东健就表示原来佢唔系好钟意做运动，只系为咗角色先keep住。最后张东健仲有抽出台下嘅粉丝发问，同男神直接对话，而被抽中嘅一男一女粉丝仲可以同男神自拍，真系羡慕死人啊！
更多张东健在釜山电影节的相片：
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/