37岁胡杏儿顺产诞下仔仔　 英文名Brendan爱尔兰代表王子

前排大住肚去《胡说八道真情假期》的胡杏儿终于生咗喇！早前胡杏儿系IG宣布顺利诞下重约8磅的囝囝，老公李乘德仲特登为BB改咗英文名“Brendan Lee”，仲话系一个爱尔兰名字，系解王子，而依个名仲要系发梦果阵时谂出嚟，连发梦都谂住囝囝个名，真系够哂浪漫。

话说杏儿上年12月同老公李乘德（Phil）拉埋天窗，结婚只有两个月就宣布有咗BB，系“胡说八道会”姊妹中首位妈咪！但怀胎期间杏儿一啲都唔锡身，更经常出席公开活动，又宣传她在内地拍摄的《那年花开月正圆》，又同好姊妹到澳大利亚拍《胡说八道真情假期》，仲勤力过冇怀胎的时期，直至到预产期一个多前先宣布停工休养。

而老公系IG立即开post话：杏儿未必有时间覆到大家，只透过所属的经理人公司宣传部回应：“我哋已经返咗屋企，因为都有啲攰，开始喂人奶，要闭关啦。多谢各位祝福，我哋母子平安，好开心顺产成功，感恩！”