秀智生日偷步唱《当你沉睡时》OST 第9、10集变态跟踪李钟硕？
撰文： 邓乐宜
出版：更新：
寻日系国民初恋秀智嘅23岁生日，秀智就举行生日会同粉丝一齐庆祝，一开场就唱出个人迷你专辑《Yes? No?》中的收录曲《假装幸福》（Pretend），仲应粉丝要求著住高踭鞋跳二倍速舞！
虽然呢晚系秀智嘅生日会，但似乎收到礼物嘅反而系粉丝，因为秀智完全有求必应，更大方展示最近主演剧集《当你沉睡时》入面的撒娇！不过做完之后秀智就怕怕羞，大叫：“我唔要过生日喇！”除此之外，秀智仲“偷偷地”唱咗一小段未公开的《当你沉睡时》OST，呢首《I Love You Boy》今日下午才会公开，但寻晚粉丝就可以率先听到秀智现场清唱，真系太幸福喇！
另外，《当你沉睡时》今晚将播出第9、10集，剧组早上率先公开咗一小段片段，当中秀智坐喺café买定咖啡“捕”李钟硕，估唔到李钟硕其实一早就坐喺身后！李钟硕忍唔住问：“你系跟踪狂？你冇嘢做咩？”秀智竟然理直气壮答：“系！冇嘢做！”唔知佢哋今集又会梦见点样嘅未来呢？
《当你沉睡时》李钟硕秀智梦中之吻！ 收视反超河智苑《医疗船》
更多《当你沉睡时》剧照：
+14
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/