余文乐现身NBA头排观赛　女友王棠云贴到实原来系篮球世家

撰文： 洪晓璇
出版：更新：

余文乐英文名叫Shawn，不过大部分网友会以“Fisherman Lok”称呼乐仔，因为有个都市传说，话“乐仔受中国篮球皇帝易建联教导，曾经喺NBA做职业球员，是球星高比拜仁队友，并曾跟篮球之神米高佐敦同场比赛。”而日前乐仔真系同易建联现身NBA比赛……做观众，仲首次同女友王棠云（Sarah）公开现身！被大会摄影机影住喺大电视呢一幕，真系有啲似婚礼不停LOOP嘅婚纱相呀。

余文乐王棠云睇NBA同框合照。(微博图片)
余文乐与女友大方让传媒任影。(视觉中国)

2017年NBA中国赛深圳站，10月5日中秋节翌日上演明尼苏达森林狼Vs金州勇士，余文乐获邀到场观战，同易建联齐齐坐喺第一排观众席欣赏球赛，身边仲有女友王棠云，他“认爱”后首度带女友出席公开场合，传媒要求合照任影唔嬲，自拍时王棠云更成个人挨到乐仔身上，真系甜到漏呀。

呢张自拍照，目光无法离开小鸟依人般挨住乐仔嘅Sarah。(视觉中国)
+3

好多男士最怕同另一半睇波，怕一路睇一路问“点解嘅点解嘅”，不过Sarah绝对唔会咁做，事关佢爸爸王东生，除咗系全球最大皮带厂亚美集团总裁，仲做过台湾男子篮球队嘅领队。王东生系一名篮球迷，学生时代也是一名球员。王东生所效力的球队曾经获得了当地决赛的参赛资格，却因为经费不足而无法参加成为终生遗憾。于是王东生立志日后事业有成，就要回馈自己最爱的篮球运动。

王东生(黑衫)曾经连续五年担任台湾男子篮球队领队。(网上图片)
仲读紧大学嘅Sarah，睇波都可以睇到于网上爆红。(视觉中国)

Sarah也在父亲的薰陶下成为了一名篮球迷，2009年尚未入行仲读紧大学嘅佢，就被传媒捕捉到跟随爸爸观看男篮亚锦赛，当时仲箍紧牙仲用紧原名王予柔嘅Sarah，被现场球迷和网友们称为“亚锦赛第一美女”迅速于网络爆红。当年Sarah仲同易建联以及陈建州齐齐睇波，有倾有讲非常熟落。唔知乐仔有无同女友或者未来外父切磋一下球技呢？

王棠云早于09年已跟易建联及陈建州认识。(微博图片)
Sarah（右）于2010年拍摄校园偶像剧《流氓校长》正式入行。(视觉中国)
+11