《当你沉睡时》秀智大战金所炫 李钟硕完美演活“虚势男”
撰文： 邓乐宜
出版：更新：
韩剧嘅男主角特别多“种类”，《鬼怪》入面嘅孔刘同李栋旭叫“闷骚男”，《医疗船》嘅李瑞元同《爱情的温度》嘅梁世宗就叫“直进男”，依家《当你沉睡时》入面嘅李钟硕，就完美演活咗最可爱、最靓仔嘅“虚势男”！
所谓“虚势男”，即系虚张声势嘅意思，故意扮到好劲好叻，但其实又做唔好，而李钟硕在《当你沉睡时》入面，就系一名虚势男！昨日播出嘅第5、6集中，李钟硕在死敌李相烨面前大放狠话，话要重新处理金所炫爸爸嘅家暴案件，甚至大胆到顶撞部长，话一定要查清楚：“检察官对案件仔细唔通有错咩？”真系好man㗎！
《当你沉睡时》第5、6集李钟硕恋爱高手认证！ 扮受伤呃秀智呵番
不过李钟硕之所以咁有guts，全因为信咗秀智乱吹嘅六合彩号码，以为就算劈炮唔捞都可以生活无忧，仲把心一横谂住买新车！谁知秀智一问：“你唔系信咗我乱讲嘅六合彩号码啩？”李钟硕登时晴天霹雳，但依然要扮冇事话：“哎，我点会信呢！我讲过，我唔会因为钱而讲唔应该讲嘅嘢！”最后仲要整一整理西装咁话：“我走先。”实在系太丢脸喇！
另一边厢秀智同金所炫两位女神就掀起大战，话说金所炫同妈妈因为家暴问题无家可归，秀智收留了她们，但就每分每秒都同金所炫顶嘴，仲互闹对方去“便便”去塞马桶，幼稚得来又好好感情！
《医疗船》收视险胜李钟硕《当你沉睡时》 河智苑为父亲自开刀！
更多《当你沉睡时》图片：
+34
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/