《爱情的温度》梁世宗公主抱徐玄振 快啲钖落去啦！
撰文： 沈洛嘉
出版：更新：
Timing往往对于爱情嚟讲都好重要，徐玄振同梁世宗喺韩剧《爱情的温度》入面，就好似每每都错开一样！“襄王有心时，神女无梦”、“神女有心时，则襄王无梦”，徐玄振同梁世宗嘅平行线，究竟几时先可以喺同样时间出现交叉点呢？
今集《爱情的温度》中，徐玄振终于扚起心肝想同梁世宗和好，甚至更进一步发展，但自两人分开咗5年之后，梁世宗都已经28岁，而徐玄振更踏入30代的34岁！更叫人婉惜系梁世宗宜家只想专心喺事业方面，就好似当年29岁嘅徐玄振希望专注事业，务求成为编剧一样。而梁世宗现时亦只想一心打理好Good Soup（梁世宗在《爱情的温度》中嘅餐厅），希望餐厅可以转亏为盈，留住人材同投资者。
人生唔同阶段中必然有自己嘅目标，20代嘅徐玄振同梁世宗都以事业为目标，但5年后踏入30代嘅徐玄振则开始怀念初初同梁世宗相识嘅日子，喺佢哋分开嘅呢5年间，其实双方都仲有迷恋！而今集《爱情的温度》中，本来梁世宗已经拒绝咗徐玄振一次，仲讲到：“因为已经错过一次，所以更加难再开始。”但系咁啱徐玄振喺事业上受到种种打撃如：同导演不和，电视剧收视率差，甚至演员拒拍问题，都令到徐玄振十分气馁！好彩喺呢个时候有梁世宗陪住佢同安慰佢，而喺徐玄振喊嘅时候，梁世宗更公主抱佢去梳化。唔知下星期《爱情的温度》梁世宗会唔会顺势钖埋徐玄振呢？
更多《爱情的温度》图片：
+27
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/