朴叙俊香港见面会被催生B　男神计划“这时”做爸爸！

朴叙俊今晚在香港九展举行亚巡见面会《2017 朴叙俊 PARK SEO JUN LIVE “GUESS WHO?” IN HONG KONG》，第一次以见面会的形式同香港粉丝见面，等大家可以见到“东万”真身呀！今晚见面会上，粉丝唔单止可以同男神面对面倾偈，仲可以听到朴叙俊温柔嘅歌声！
张颖伦摄

见面会在晚上7时40左右开始，朴叙俊穿上灰色西装现身台上，先用广东话讲：“大家好，我系朴叙俊！”已经唔系第一次嚟香港嘅朴叙俊，又点止学一句广东话，朴叙俊仲跟住主持人话：“我好挂住你哋！”“我都系呀！”仲露出怕丑笑容，好可爱呀！

（观看更多） [朴叙俊香港见面会]完美body的秘密　童年梦想唔系做男神真相是？

见面会第一个环节中，朴叙俊同大家分享小时候的相片，原来朴叙俊系三兄弟中嘅大哥，父母都好严格，所以朴叙俊自认细个超乖，最“叛逆”的一件事竟然是成为演员，因为父母都想他做记者！朴叙俊又斩钉截铁话：“我同妈妈一齐照顾细佬，完全冇虾细佬，系好好嘅哥哥！”

讲到成日喺IG甫侄仔合照，朴叙俊即刻话：“我好钟意小朋友，佢哋系最纯粹嘅，有时间都会去睇！”话一出口就立即被主持和粉丝催生B，不过朴叙俊似乎未plan好，搞笑答：“250年后先生仔！”250年后嘅话......睇嚟下次朴叙俊要拍穿越剧喇！

（观看更多） 朴叙俊预告香港见面会有惊喜　不舍好兄弟姜河那入伍

我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/