【阿美利坚有外星人】主持周雅霏一脚踢包办节目　连投资都自己揾

ViuTv一直都被人忽略，其实当中不少自家制节目都有质素的保证，好似专讲外星事物的《阿美利坚有外星人》，由旅游达人周雅霏(Faye)和嘉宾外星专家卓飞主持，带大家去美国研究下外星人出现的新闻，看一看UFO的出现，当然不少得介绍一下美国的偏远景点，系几好睇架！

除了节目观赏性高，主持人Faye的观赏性都十分高，作为香港旅游节目主持，2011年由英国读完艺术后回流，担任过模特儿的她曾获得中国小姐香港赛区最佳气质奖。2013年跟拍挡女小云在nowTV有一个旅游节目叫做《霏云闯荡》，亦出过旅游书，叫佢做旅游达人绝不为过。当然，样靓也是一大卖点，但其实她十分能干，因为无论《霏云闯荡》还是《阿美利坚有外星人》，都是她一脚踢搞出来的产品。

在接受《香港01》访问时，Faye她说：“前期同后期所有嘢都系我去策划，连埋我去揾嘉宾卓飞，一开头节目嘅idea都系自己去做，最后就卖咗俾Viutv。其实由《霏云闯荡》呢个第一个节目开始都系由我去plan，由我去实行，所以今次都唔系新鲜事。不过《霏云闯荡》𠮶阵可能仲细，得21岁，又啱啱开始做旅游节目，香港media又唔算特别多，所以无咩人察觉。当时已经唔系接job形式，已经系自己plan完，先再外判俾NowTV。（主题曲都自己唱埋？）因为我钟意个节目完整啲，并唔系话要唱歌出碟，而系我觉得一个旅游节目，其实应该要有一种好开心，或者好符合节目嘅歌嚟做一一个主题，去包装个节目。”无论筹备、前期、拍摄、后期，甚至连主题曲都自己唱埋，不得不佩服。

不过，Faye其实在做这个节目之前，一直都抱著怀疑的心态去看这些外星事物，但一路拍，一路体验，完全扭转了她对外星人的想法，她说：“一开头做呢个节目我系谂住希望可以同观众同步了解UFO，外星界嘅嘢，因为我自己其实只系入门级，呢个节目都系，节目头两三集我啲问题都会有啲挑剔，好多网民都有咁讲过，但我觉得好多未接触过UFO嘅观众都会有呢啲问题，因为未接触过呀嘛。当然随住每一日嘅旅程，见唔同嘅嘢，真正见到UFO，同啲专家同夜视镜去睇，𠮶阵已经好相信喺我面前真系有呢啲嘢存在。当然，我都想见到外星人，不过我哋而家睇到嘅只系一啲未被确认嘅嘢，而唔系真系有一只外星人企喺面前，不过学卓飞话，见到都未必有命返嚟。”

一脚踢去做一个节目，不容易，且而用的时间十分多。出过两本旅游游历书，当中有不少性感相片，不少网民都提议她出写出，不过Faye就对自己不太大信心：“写真？出嘅话应该系5年前出喇，而家身材已经走晒样喇。计划紧下年书展会出旅游书加攻略，系有自己风格嘅，始终香港人都系钟意攻略多啲，对于故事性、游历嘅唔算特别多人睇。我仲有个监制嘅节目12月会出街，下年都有几个呢啲project，主持我都会继续做。我系今年先开始监制其他节目，平时我剩系负责自己嘅节目，系一个新尝试。”虽然一路有做监制，但都是自身的节目，对自己负责，将来开始正式踏入监制的行列，为甚么会鼓起这么大的勇气去尝试呢？“我本身好钟意旅游，喺我生命中嘅一部分，我好钟意睇呢个世界，想喺呢个世界学得更多嘢，但香港人普遍钟意速食，钟意日韩台泰，先容易接得多啲job。我其实系唔够贴地，我好少讲呢啲国家嘅美食或者shopping，可能系去吓尼泊尔、伊朗、非洲呢啲比较远嘅地方，我都明香港人请假好难，短途会啱啲。做到去上年，自己都有谂过，我已经25岁喇，我已经好难再做一个好跳脱嘅角色，又无理由做咁多年都系背包客，我嘅形象已经好难去转变。我觉得做监制呢个位置去搞唔同嘅节目，同唔同嘅人合作，俾多啲机会自己学习，又可以旅行，呢个位置令我识到更多嘢，文化𠮶啲，透过人哋嘅经历我都有唔少得著。”

好多人会话，“佢屋企有钱先去到咁多旅行，做到自己想做嘅嘢姐”，但原来在Faye心中，去旅行并不需要太多钱，她说：“细𠮶喺英国读书，都会有啲零用钱，都会去吓旅行，同埋我始终系背包客形式，其实唔系真系要用好多钱。当时我开始做节目之前，我都有做过PR，识咗唔同界别嘅人士，当佢哋听到我要做节目嘅时间，都觉得个idea系吸引嘅，所以会投资落嚟。其余旅行有时系job喇，有时会自己去玩，不过自己去玩我都唔会系豪洗𠮶种。”其实现今机票愈来愈平，去旅行的洗费的确大大减少，大家不妨都试下背包客的形式，可能会有另一番新体验。