【使徒行者2】55岁黄文标有稳定女友　做奸角惨被伯母误解系衰人

“御用收数佬”黄文标的奸人形象深入民心，曾经试过有日本留学生、韩国人在街头见到他，纷纷上前表示认得他、知道他是香港演员，算是苦中一点甜。不过，做得奸人太多，日常生活却变成了烦恼。黄文标与女友拍拖接近8年，却与女方母亲接近零交流，皆因他是个演员，而且是做开奸人的演员。

“做开奸人，初头认识新朋友嘅时候，佢哋都会以为我好恶，都要经过一段时间了解咗之后，先会觉得我唔系想像中咁恶。”不过引伸到感情上，女友不介意，但伯母介意：“其实都唔怪得嘅，有啲行业系会畀人有牢固印象，就好似演员咁，畀人觉得身处一个花花世界，以为系用情不专嘅人。”被伯母误解，黄文标最初都有点无奈：“我同佢8年来都冇咩交流，往往佢畀我嘅反应都好冷淡。”黄文标眼见情况不太理想，自己不敢轻举妄动：“唔知佢会唔会唔听我电话，直接CUT我线！（会唔会唔开心？）点都会有少少嘅，但我又唔会因为咁去放弃呢段感情。”所以8年之后，黄文标打算曲线挽救与伯母的关系：“女朋友开始会帮下口，由佢把口讲下我啲嘢，应该会好受啲嘅。又或者大时大节，买啲嘢送畀佢，希望佢会开心喇。”这堪称是一场持久战，黄文标说：“系要时间慢慢嚟，况且冇办法㗎喇。”

黄文标50岁才离巢TVB，他不介意迟了才往外闯，但女友介意吗？“佢自己有生意做，其实都唔需要我养。佢都唔介意我收入系点，因为大家都系各自各洗，财政独立嘅。”大家有共识就当然好，不过作为一个女人，唔会想男方畀自己一个名份咩？黄文标说：“我都明白女人会咁谂，都系正常。我同佢嘅感情一路都好安稳，点都会有呢一日嘅（结婚），都想有自己嘅家庭，但而家就未有呢个谂法，未系时候。”虽然未打算成家立室，但黄文标有个独立又识谂嘅女友，都好幸福。