【使徒行者2】欢喜哥开直播话陈炜太快死：可以再交代得多啲

随住TVB有Big Big Channel出现，演员有剧出街，都会巡例开下直播同fans倾偈。《使徒行者2》近日出街，当然唔例外喇。好似欢喜哥许绍雄，他昨晚就首次开live，同观众见下面，不过可爱的事情就发生了。

Benz雄第一次直播，好多功能都未识用，自己直播咗都未知，见到他打电话向友人求救，讲到：“我咩都睇唔到㖞！”后来见到自己个样先同朋友收线，笑言：“自己都唔系好识点用！”他在直播期间非常得意地话：“我有老花同近视，唔系好见到大家讲咩。”、“啲字（网友留言）跳得好快，睇唔返！”睇唔到网友留言的欢喜哥，最初不知网友反应，不过有人送出赞好手势，又畀钱送朱古力同波板糖，所以欢喜哥话：“呀！我见到你哋畀手指公，知道大家都觉得好睇。”接触新事物的欢喜哥边讲边笑，真系劲可爱。

欢喜哥回顾第2集剧情，讲到他的老婆陈炜好快就被杀死，他就坦言其实炜哥太快死：“剧情个边可以交代得多啲，咁炜哥可以死得眼闭，但系而家好似讲少咗啲嘢，就好似死得唔系好眼闭。”不过，欢喜哥都大赞《使徒行者2》制作比第一辑好，而他又非常谦虚话：“我自己都有啲不足，但都过咗去喇，下次再做好啲喇。”点都好，见到欢喜哥咁得意，心情都好啲。