李亚男Deep V再现　王祖蓝唔应机

李亚男（Leanne）月初在上海出席活动时，一袭Deep V打扮简直系惊为天人，而佢当时仲讲笑咁话：“王祖蓝话会休咗我”，言犹在耳，Leanne昨晚在港与林欣彤出席珠宝活动时，又再发力！Deep V加大露背，挑战人妻性感极限之余，睇怕都挑战紧老公底线。“我同服装师拣呢件衫系想配合活动主题嘅，因为呢个V字长裙可以突出珠宝嘅高贵。我又唔系次次都要性感示人，只系撞啱呢两个活动都系咁啫，我最想件事出嚟系靓嘅。我有send相畀老公睇，但可能佢太忙未有时间覆我啦，但我相信佢会觉得靓嘅。”

谈到平时选购首饰，Leanne表示价钱不是重点，反而着重款式是否得体，而她人生中收过最珍贵嘅两件首饰都系由老公所送：“第一件系拍拖时佢第一次送我嘅十字架颈链，第二件就系求婚戒指，系心形钻石，我非常唔舍得戴，只有隆重场合先会拎出嚟戴。”

在活动现场大展歌喉的Leanne，笑言虽然喜欢唱歌，但由于唔系经常有机会练习，所以都有啲紧张，更透露唱完之后有问林欣彤意见。欣彤则大赞老板娘人靓歌甜：“我觉得Leanne唱得好淡定、好甜，加上佢又靓又高、同埋件衫同首饰都靓，所以真系好靓好靓好靓。”欣彤又指自己收过最有意义的首饰，均是由母亲所赠，而且三样都是颈链：“我最钟意𠮶条，系有一粒圆形钻石仔嘅，好简单。妈咪好钟意送颈链畀我，因为好贴身，可以成日陪住我，所以我好多时都会戴住佢送畀我嘅颈链。”