【嫁到这世界边端】港女丧姊到泰国散心　寻到生命中的守护天使

唔知系咪因为发生喺香港人第二个乡下嘅泰国，所以大家特别有共鸣，无线节目《嫁到这世界边端》日前播出一连两集的泰国篇，就引起好大回响，港女Judy同泰仔老公Dass的爱情故事，感动到唔少观众，好多网民都留言话睇到喊，又大赞Judy为追求真爱可以不顾一切，为自己的幸福努力争取好勇敢，又为Judy和Dass送上祝福。寻晚𠮶集个洋葱仲大粒过前晚，Judy忆述她家姊患抑郁而自杀，讲到声泪俱下，真系好touching，Judy自己睇返呢集都话喊到猪头。

Judy由细到大都跟她的家姊感情要好，可惜在8年前她家姊因为抑郁自杀轻生，令Judy整个世界都变了：“这件事完全影响我之后的人生，我以前是一个几开心嘅人，自从我家姊出事后，我就非常之唔开心，我家姊当我是她最好的朋友，大家会互相鼓励。我真系好挂住她，每一日都好挂住她，从那时开始，我每晚都睡不着。”

承受住丧姊之痛的Judy，在家姊过身几个月后决定到泰国散心，想不到此次散心之旅却让她遇上了真爱。缘份就是咁奇妙，Judy的家姊生前也很喜欢泰国，去当地的次数比Judy还要多，Judy竟然在这个时候，于这个地方遇上Dass，令她感到就似是家姊派Dass来守护她，照顾她，令她暖在心头：“Dass都话可能我家姊真系守护住我，看顾住我，先会慢慢为我铺排条路要点走。”而Dass亦同样相信是缘份将他和太太牵在一起。话晒一个居于香港的港女同一个居于曼谷的泰仔可以话系大缆都扯唔埋，唔系缘份系咩？正所谓千里姻缘一线牵，可能就系Judy的家姊在天之灵为妹妹和Dass牵上红线。

讲到Judy同Dass在曼谷的生活，他们用港币50万元就买下了一个300多呎的住宅单位，仲要唔使畀首付，50万喺今时今日嘅香港真系连首付都未必畀到呀，泰国呢个价钱就可以置业实在令人好心动。而他们两公婆靠经营喺翟道翟的精品店，每星期净系开星期六、日两日，一个月开8-10日就有大约港币万多两万蚊的收入，喺泰国呢个物价指数同生活指数相对较低的地方，已经好好使㗎喇，仲可以日日食港人至爱嘅泰国地道美食，例如猪手饭、泰式鸡饭、生虾刺身、Pad Thai同芒果糯米饭等，所以都有网民留言话好羡慕Judy。如果真系可以好似Judy咁找到真爱，其实嫁到泰国又使乜惊㖞。