高海宁真系做返自己　神还原《恐惧斗室》中木偶“SAW”

一年容易又中秋，中秋除咗食月饼之外，亦代表住十月万圣节就嚟到，其他国家就可能逐家逐户玩“Trick or treat”，但我哋香港就梗系去海洋公园玩哈啰喂啦，唔玩过鬼屋点算叫过万圣节㗎！年年香港都搞哈啰喂，一年比一年贵，鬼屋又年年都差唔多，真系越嚟越唔吸引人。

所以今年海洋公园就搞搞新意思，年年揾罗兰姐做聋婆就梗㗎喇，今年竟然仲揾埋高海宁做宣传？万圣节系要吓鬼唔系斗性感㖞，唔通高Ling扮《恐惧斗室》入面个木偶“SAW”？

大家最期待的画面出现了，今次高Ling真系Cosplay“SAW”啊！之前大家成日因为高Ling面尖尖，颧骨高话佢似SAW，今年海洋公园主打《恐惧斗室》电影主题鬼屋，竟然真系揾到本地姜高Ling做宣传，一身性感护士装，再加上经典木偶装，完全系神还原，就连罗兰姐都唔够佢嚟！她今日亦喺Facebook上载照片写道：“Hi! I'm Ko Ling. Nice to meet you!”，如果佢系讲“I want to play a game”就真系不得了！