【嫁到这世界边端】港女不顾一切嫁到泰国　唔住太古城进驻翟道翟

泰国是很多香港人喜欢去的地方，甚至有人形容是港人的第二个乡下，不过如果要你定居喺泰国你又顶唔顶得顺呢？昨晚播出的无线节目《嫁到这世界边端》就讲港女Judy为爱嫁到泰国，甘愿放弃香港的舒适生活和工作，原本家住太古城，任职OL的她嫁鸡随鸡跟泰国丈夫在曼谷生活，两口子在当地著名市集翟道翟内经营精品店，即使环境热如蒸笼，仲要无冷气，Judy亦甘愿为爱挨苦，直言：“我嚟咗泰国之后身体好似差了些，都有些顶唔顺，但顶唔顺都要顶落去，所有嘢都耍落手落脚做，成个舖是我同老公两个搭建出嚟，我对手都伤痕累累，以前好白净好滑㗎，但系，都要接受㗎，你既然企得喺度就要接受呢度嘅环境，如果唔系无可能喺度生存。”

如果“港女”等同要人照顾、公主病、小姐格、贪慕虚荣、高窦同埋爱享受等等，咁Judy这位港女就完全癫覆了“港女”呢一词。Judy当初竟然是主动追求她的泰国丈夫Dass，两人于翟道翟邂逅，Judy即对Dass一见钟情，返回香港后竟愈来愈挂念Dass，于是就以两人生日只相隔一周为借口，主动提出飞到曼谷跟Dass一起庆生，为这段姊弟恋勇敢去争取，就算Dass讲明自己无钱，都完全无阻Judy对他的爱。Judy表示：“我话去揾佢，佢话唔好，叫我唔好去揾佢，那该都有少少失望，但系我唔理，直冲，我照去揾佢，唔理咁多。爱情真系要自己争取㗎！”

身为主持的陈贝儿亦很佩服Judy，不禁问Judy：“你话爱情要自己争取，但其实讲就容易，你会谂个男仔系咪钟意我先得㗎，我就咁冲出去，跳落山崖会粉身碎骨。”Judy即该话：“我唔理，我系唔会理㗎，如果我心目中系钟意嘅，我会冲，我会不顾一切，同埋我系唔钟意畀人追，反而我钟意嘅人我会自己去追求，一定要开口，要行出第一步，一定要冲，唔冲就咩都无，系咪先？”这段对话亦反映到陈贝儿与Judy对追求爱所持的两种不同态度。陈贝儿都讲出她的心声：“有边个女仔唔钟意做公主，有人服侍，可以舒舒服服吖？”不过她觉得Judy为了真爱也是值得的，幸福其实没有标准答案，只要自己心里感到幸福，便是真正的幸福。