麦紫莉亲认拍AV系讲大话　fb发文道歉：欺骗大家系我错

正所谓“位并唔系咁上的”，相信由7月讲到8月声称要到日本拍AV嘅麦紫莉（chili）就系最好人办喇。事关昨日chili接受访问时表示，已与公司已经解约，并透露讲足两个月都未能成事嘅“赴日拍AV”，只系旧公司谷自己上位嘅一条桥，强调自己无可能到日本拍AV，因为过唔到自己𠮶关！

麦紫莉指当时都系受公司指示而回答传媒嘅问题，其实自己根本无一条系想回答，而家人亦一早知道所有事“一切都是套路”。chili7月份出席活动嘅时候，曾透露过到日本拍AV，系希望可以赚更多钱帮助患有肾病嘅妈咪筹钱医病。今次与旧公司解约，系因为Chili多次被拖欠酬劳，对方亦好大方咁俾自己无条件解约。提到早前频频出席活动，咁有无真系如佢所愿赚更多钱呢？麦紫莉昨日接受访问时就指，赴日拍AV事件公开报导后，有出席过4𠮶活动但酬劳总数都无1万蚊。

终于可以讲返自己想讲嘅嘢，终于可以做返自己，终于可以唔使任人摆布，终于可以理直气壮话俾大家知我唔会拍AV。
我知道欺骗大家系我错，我唔可以推卸责任，当初我的确系喺知情嘅情况下，一次又一次咁讲大话。但系当我脱离呢个珈琐，我恨不得马上走出嚟向大家道歉，因为我痛恨呃人，亦痛恨俾人呃。
当初公司提出呢个提议，虽然讲明只系一个绰头，但我无即刻应承，因为我谂唔到点样同屋企人解释。后来公司话只要我有人识，就可以揾到好多钱，而且会有一个靓嘅收科！结果？同屋企人闹交，揾唔到钱，出街、上网都俾人指指点点，压力大到瞓唔到觉，每次见记者都好怕被问几时出发，因为公司无话过俾我知点收科，亦都无谂过要收科，最重要系，的确系有人认识，但全无形象可言。我后悔了。
我希望大家可以原谅我，原谅我嘅不智，原谅我对大家嘅欺骗，原谅我咁迟先坦白，原谅我幻灭咗大家嘅梦。对唔住。