【壹号皇庭】经典主题曲系监制邓特希拣：揾人重新用色士风吹一次

紧接《天地豪情》就到1992年剧集《壹号皇庭》重播，这套无线经典律师剧，深入民心，25年后今日再播，一听到那几下Saxophone，即刻有晒画面，其实这首歌是英国乐队Dire Straits，1986年出版的名曲《Your Latest Trick》前奏，而无线当年用纯音乐做剧集主题曲，对比以往真的十分破格，《香港01》找了《壹号皇庭》监制邓特希，他说:“拍《壹号皇庭》之前好多年，有次上朋友屋企，听到Dire Straits《《Your Latest Trick》呢首歌，个前奏好正㖞，一直都记住，到开拍呢套剧嘅时候就决定唔用主题曲啦，因为当时觉得如果夹硬加咗啲歌词落去，好似唔夹套剧，咁跟住同music director倾，我就话不如直接用呢首歌嘅前奏啦，但𠮶阵又好奇怪㖞，个世界好似冇版权呢样嘢㖞，music director又话得㖞，咁就用喇，咁当然唔系咁狼，直接攞人𠮶段，佢揾人重新用Saxophone吹一次，之后再一直用落去。”

《壹号皇庭》现在成为经典剧，但当年原来无线当实验剧处理，放在星期日夜晚10点播映，亦是神剧监制邓特希第一套剧集，他说：“坦白讲呢个剧当时系尝试嚟嘅，70年代仲有周播单元剧，80年代开始就冇哂，当时公司又想开拓返呢个时段，对市场上、公司嚟讲都系稍为新啲，呢个时段又唔系十分黄金时段啦，所以当时就算珍姐（戏剧总监曾励珍）都冇咩意见，某程度上都系有啲试验性质，演员亦配搭新，当时一班主要演员，系有经验但未试过全部一齐担正做一套剧。”所以一套有质素的剧集，就算放在非黄金时段，一样有收视口碑，就好似现在的《踩过界》一样，而邓特希亦讲了不少关于《壹》剧的趣事，包括自己为了攞料，做资料搜集，假扮师爷跟律师开工，仲要同毒犯讲数，请留意下一段访问喇。