【喜剧之王】细细粒变身大胃“韩小红”　极速KO鸡髀茶水无难度

撰文： 张嘉敏
出版：更新：
（左起）邓兆尊、杨诗敏（虾头）、阮兆祥（祥仔）以及陈嘉佳（细细粒）一齐发挥搞笑本色。

圈中有唔少扮嘢高手真系扮咩似咩，带给观众好多欢乐，当中就包括阮兆祥（祥仔）、陈嘉佳（细细粒）、杨诗敏（虾头）以及邓兆尊。他们早前就一齐发挥搞笑本色，分别以“杜小莎”、“韩小红”、“林小莲”以及“迪小希”的造型亮相内地综艺节目《喜剧之王》，表现出精彩的扮嘢强项，更赢得该单元的冠军。而在他们4人之中，就以祥仔同细细粒最抢镜。祥仔大唱恶搞版《卡门》，又拍片拿同公司艺人杜丽莎来开玩笑，非常搞笑。细细粒就尽展她的“大胃女”神技，表演惊人绝技：一口KO大半只鸡髀，10秒钟KO两公升茶水，食得之余仲够晒快，相当犀利，看得现场观众O晒嘴。

细细粒鲸吞鸡髀。

事后细细粒表示为今次的演出做了唔少准备工夫，咁食法可以话系揾命搏：“真系几辛苦，我饮完之后系咁作呕。为咗表演呢个环节，我下咗唔少苦功，仲好大压力。除了之前不断练习灌水，等个胃慢慢适应，表演前一日仲特登食了好多好重味精的食物，到当日表演前，我又完全唔饮水，咁样我唱完歌之后，先自自然然会好口渴，就可以狂饮嘢。不过只要观众睇得开心，我哋辛苦啲都无所谓啦。”

细细粒表演扮嘢同搞笑兼做埋大胃王，她扮的是“韩小红”，似唔似？
祥仔扮的“杜小莎”好抢镜，冇得输。