【壹号皇庭】深宵剧场最终决定 郑秀文王菲25年前好青涩
撰文： 洪晓璇
出版：更新：
之前《三生三世十里桃花》，话播又唔播改足几次，今次就轮到凌晨时段啦。早几日出左9月7日节目表，写住下午11:55播《鉴证实录》第一集，转个头又发现节目表同时段变左做《壹号皇庭》，令一众男儿迷同鉴证迷表示劲失望，亦令大家非常怀疑，到底今次系咪真架呢？
TVB外事部回复香港01查询时表示：“电视台节目调动乃正常现象，继《天地豪情》于九月六日大结局后，翡翠台将安排播映《壹号皇庭》系列剧集，九月七日先播13集《壹号皇庭》，九月二十日（星期三）则播映《壹号皇庭II》。”好啦，官方回复，播完第一辑播第二辑，大家可以慢慢煲啦。
单系揾到sammi同王菲两大天后参演，已经系前无古人后无来者，绝对系可一不可再嘅阵容。虽然sammi同阿菲分别喺第一辑同第二辑出现，不过有个共通点，就系先后喺剧中做阿辉（苏永康饰演）嘅女朋友。当年嘅Sammi仲系包包面，而阿菲就仲系长头发，实在系令人怀念呀……
除左剧情以及演员吸引，呢套剧嘅主题曲及插曲都极非常用心，主题曲起用英国Dire Straits嘅“Your Latest Trick”色士风独奏，我咁写包单，呢只歌一响起，煲剧回忆即刻返晒嚟。不过近期无线重播兴改晒d配乐同歌曲，呢只经典歌保唔保留到都仲要等播出先知，宜家即时俾大家重温一下：