【同盟】姚子羚青蛙脚踢出宇宙　真身上King Jer留言：表哥嚟咗喇

见到姚子羚对白滑长腿会令你联想到咩？子羚首次做打女演出的无线剧集《同盟》日前播出的一幕，就有她在车内起飞脚抗敌的戏份，相当吸睛。身穿白色连身短裙的子羚将只左脚一踢，唔单止露出打底裤，仲吸引到网民改图恶搞，将她的左脚Key埋去右脚位置，变成了一对脚踢踢的青蛙蛙式脚，仲安排子羚用呢招蛙脚踢由车入面踢到上外太空，边踢边飞去宇宙，之后又踢埋入海洋，真系创意无限，惹来大批网民留言话笑到肚痛。而镜头一转就影住陈山聪骑住电单车赶到，一开门就见到已经被Key上了经典“表哥眼”的子羚，陈山聪望完仲即时变脸兼变形添，连他都被恶搞埋一份。

今日子羚出席该剧的宣传活动时就表示自己都有看过这段恶搞片，大方表示无嬲猪之余仲大赞改图造片的网民有心机：“我身边有好多朋友send那条片给我看，问我有无睇到，又问我觉得点，我话几得意吖，无谂到网民咁有心机咁花时间去整条咁样嘅片，那场戏我其实只是踢一只脚，网民仲将我只左左脚Key埋去做只右脚，变成青蛙咁脚踢踢，又放左我喺宇宙和海洋中，之后又Key返对表哥眼畀我，连山聪都改埋图，网民真系好花心思去做，我觉得系得意同搞笑嘅。(觉唔觉自己经常成为被恶搞对象？) 我谂网民恶搞我是因为近期我有剧出街，同埋证明子羚系可以带给他们欢乐，我之前仲试过专登King Jer娱乐台留言话‘希望大家都支持同盟呀，表哥嚟咗喇。’希望大家都会钟意我啦，因为做Artist都系想令大家开心，带娱乐给大家，而且咁亦证明他们留意你先会去恶搞你啫，咪当他们帮你宣传啰。睇下下次可唔可以加埋我身边啲朋友一齐嚟恶搞一番？”