麦雅致陀7个月巨肚　老公张颖康将陪入产房：佢要睇住BB出世

麦雅致出席TVB节目《嫁到这世界边端》，腹大便便的她原来已经有咗七个月，并且准备十月开刀生B。至于是仔定女，麦雅致就卖关子，表示希望九月与好友开个派对，到时再分享BB的性别。

麦雅致今次怀有第二胎，比以前轻松：“有之前嘅经验，心情都会放松啲，但身体上呢就比之前唔同，因为今胎大得快过上一胎，就负重多咗，但我自己嘅体重，就同之前差唔多。”大女知道自己做姐姐，心情都有所不同：“最初佢都唔系好知发生咩事，佢都会问咩嚟㗎？点解会有嘅？但后来佢都知道自己要做姐姐，都有唔同咗，人哋叫佢做妹妹，佢都话：‘唔系！我系姐姐！’”

麦雅致透露老公张颕康都会陪她入产房，睇住BB出世，不过张颕康目前都在台湾拍摄，回来到香港之后又会好快开剧。问到多一个B，将来开支会否大咗？麦雅致表示：“都曾经有担心过呢个问题，始终多咗一个BB，但系后来谂过，始终生过大女，都知道啲钱用系边，同埋个女之前都有嘢可以留落嚟用，所以都唔系太大问题。”老公的角色就是要赚奶粉钱，“呢个一定要喇，生完之后，佢都想我休息下先，但之后间唔时都可以好似今日咁出下嚟，都开心嘅。”麦雅致透露虽然初期都要凑B，但过了一段日子后，她都不会退下来。