天鸽澳门风灾港人抽报平安功能水　小肥怒斥：现时对市民好重要

昨日强台风“天鸽”威力相当强大，与香港一海之隔的澳门遇上涨潮，令澳门多处地方水浸，台风更造成最少6人死亡、153人受伤。而今日澳门仍然暂时停水停电，早上有不少澳门市民指，有商户将矿泉水坐地起价。但令人不能接受的，就是澳门气象局局长冯瑞权在记者会上的态度，当中身为澳门人的小肥亦有在Facebook转发事件，表示十分愤怒。其后小肥接受《香港01》访问时，就指昨日Facebook的报平安功能对澳门人好有用，“你唔系𠮶环境你唔会明，咪会觉得多余，唔知点解会有人闹功能，当然你用唔到紧系唔使喇，呢啲咪就系身在福中不知福。”

小肥透露咁大个仔系澳门都是未试过10号风球，“可能大家都觉得好安全，好安稳，防备会做得唔系咁好。天气预告有好似叫打风大家都唔使惊，但可能会令到失去戒心，会有咁严重嘅后果。”而他亦不能接受是澳门气象局局长冯瑞权昨晚举行的记者会，“最衰系佢企出嚟嘅态度，睇到系会唔开心。”提到有部分香港人对于今次“天鸽袭澳”都抱幸灾乐祸的心态，更留言话“澳门人派啲钱就得架喇”，小肥闻言后亦觉得好慨叹话，“haters𠮶班好衰好口臭，衰啲讲返转头，如果今次系发生系香港，唔排除可能有澳门人口臭话返香港人，其实社会真系唔好有呢啲幸灾乐祸的风气。”对于有不少商户趁台风坐地起价，小肥就表示，“衰人系有，但好人都有，有啲小商户出嚟派水同食物俾前线人员，澳门人都好互助，唤醒了现时嘅社会好多澳门人互助嘅精神。”